ՀՐԱՁԳԱՐԱՆՈՒՄ ԱՆՎՏԱՆԳՈՒԹՅԱՆ ԿԱՆՈՆՆԵՐԸ

«ԱՍՊԱՐ ԱՐՄՍ» հրաձգարանի բոլոր այցելուները ուսուցման, սիրողական, սպորտային վարժանքների հրաձգության և տակտիկական պարապմունքների ընթացքում պարտավոր են խստորեն պահպանել անվտանգության կանոնները։ Հրաձգարանում անվտանգության կանոնների պահպանմանը հետևում է Հրահանգիչը:

Հրաձգարանի տնօրինությունն իրեն իրավունք է վերապահում առանց պատճառների բացատրության հրաժարվել սպասարկել այցելուին։

  1. Այցելուն կրակելու իրավունք ունի միայն հրաձգարանում գործող ներօբյեկտային և անվտանգության կանոններին, զենքի կառուցվածքին, լիցքավորման և լիցքաթափման տեխնիկային,  նշանառության և հրաձգության մեթոդներին ծանոթանալուց հետո։
  2. Թմրամիջոցներ կամ ալկոհոլ օգտագործած անձանց Հրաձգարանի մուտքն արգելված է։ Այս կամ այլ պատճառով այցելուի մուտքը հրաձգարան թույլ չտալու որոշումը ընդունվում է Հրաձգարանի ղեկավարության և Հրահանգչի կողմից :
  3. Երկու և ավել տարբեր այցելուներ (խմբեր) միաժամանակ չեն կարող գտնվել հրաձգարանում և օգտվել հրաձգարանային ծառայություններից։
  4. Հրաձգարանից դուրս ցանկացած զենք, այդ թվում այցելուին պատկանող, պետք է լինի պատյանում կամ տուփում՝ լիցքաթափված և ապահովիչի բերված: Հրաձգարանի տարածքում զենք կրելը թույլատրվում է միայն լիցքաթափված և պատյանով, Հրահանգչի ուղեկցությամբ:
  5. Հրաձգարանում այցելուին պատկանող զենքը պատյանից կամ տուփից հանել թույլատրվում է միայն զենքի գործարանային համարի ստուգման համար, Հրահանգչի հրահանգով։ Զննման ժամանակ զենքը լիցքավորելը խստիվ արգելվում է։
  6. Այցելուի անձնական զենքը ենթակա է պարտադիր ստուգման Հրահանգչի կողմից՝ կրելու և պահելու թույլտվության համապատասխանության համար։
  7. Զենքով պարապմունքների և կրակոցների ժամանակ մարդկանց արգելվում է գտնվել կրակային ուղղություններում։ Եթե մարդիկ հանկարծ հայտնվեն կրակագծի ուղղությամբ, բոլոր հրաձիգների կողմից կրակոցները պետք է անմիջապես դադարեցվեն՝ ինքնուրույն կամ Հրահանգչի «Դադարեցրեք կրակոցը» կամ «Կանգնիր» հրամանով։ Զենքն անմիջապես բերվում է ապահովիչի և պահվում է ապահով ուղղությամբ՝ ցուցամատը ձգանի վրայից հեռացված: Արգելվում է զենքին և զինամթերքին դիպչել նույնիսկ Հրահանգչի հրամանով, եթե թիրախային տարածքում կամ կրակային ուղղությամբ մարդիկ կան։
  8. Զենքը լիցքավորել և լիցքաթափել թույլատրվում է միայն կրակային դիրքում` Հրահանգչի անմիջական հսկողության ներքո և միայն նրա «լիցքավորել» կամ «լիցքաթափել» հրամանով: Կրակային դիրքից դուրս զենքը պետք է լինի լիցքաթափված վիճակում, փամփուշտներից առանձին և ապահովիչի դրված (եթե այն կա):
  9. Արգելվում է լիցքավորված զենքը կամ զինամթերքն առանց հսկողության թողնել կրակային դիրքում:
  10. Արգելվում է վերցրնել կամ հպվել զենքին առանց Հրահանգչի հրամանի կամ «դադարեցնել կրակը» հրամանից հետո։
  11. Արգելվում է հպվել կամ վերցրնել ուրիշի զենքն ու զինամթերքը, որը գտնվում է Հրաձգարանում:
  12. Արգելվում է կրակել այլ առարկաների վրա, որոնք թիրախ չեն հանդիսանում:
  13. 14  Արգելվում է թիրախավորել կամ կրակել այլ հրաձիգի թիրախի վրա։
  14. Անգամ չլիցքավորված զենքը մի ուղղեք ինքներդ ձեզ։ Ոչ մի դեպքում չպետք է այն ուղղեք մարդկանց վրա:
  15. Հեռացրեք ձեր մատը ձգանից զենքը լիցքավորելիս և լիցքաթափելիս, ինչպես նաև այլ գործողությունների ժամանակ, եթե չեք պատրաստվում կրակել թիրախին:
  16. Արգելվում է դիպչել սեղանին դրված զենքերին ու զինամթերքին, եթե մարդիկ կան կրակագծում.
  17. Հրաձիգին զենքի հետ վարվելու հմտություններ սովորեցնելիս, զենքը լիցքավորելիս և լիցքաթափելիս, վարժությունների միջև ընդմիջումների ժամանակ, երբ զենքը սեղանին է, այն պետք է միշտ փողով ուղղված լինի դեպի թիրախ կամ ապահով ուղղությամբ։
  18. Զենքով բոլոր գործողությունները հրաձիգը կատարում է միայն Հրահանգչի հրամանով։ Կրակելը թույլատրվում է միայն «Կրակ» հրամանով կամ ժամանակաչափի ազդանշանով: Հրահանգչի «Կանգնիր», «Դադարեցրեք կրակոցը», «Լիցքաթափում» հրամանից հետո կրակողը պարտավոր է անհապաղ դադարեցնել կրակոցը և լիցքաթափել զենքը, ներկայացնել այն Հրահանգչին՝ բաց փակաղակով, ստուգման համար։ «Ստուգված է» հրամանից հետո կատարել ստուգողական կրակոց թիրախի ուղղությամբ։
  19. Զենքի անսարքության դեպքում կրակողը այդ մասին առանց ավելորդ գործողությունների, հայտնում է հրահանգչին՝ զենքի փողը անընդհատ ուղղված պահելով դեպի թիրախը։ Առանց հրահանգչի հրամանի խստիվ արգելվում է ինքնուրույն վերացնել անսարքությունը:
  20. 21.Վարժությունների կամ կրակոցների արանքում հրաձիգը կարող է զենքը դնել սեղանին միայն զենքը լիցքաթափելուց, պահունակը հանելուց և Հրահանգչի կողմից ստուգելուց հետո։ Այս դեպքում զենքի փակաղակը պետք է բաց լինի:
  21. Որևէ կրակագծում թիրախը փոխելիս կրակը դադարեցվում է բոլոր կրակային դիրքերում: Զենքը այս դեպքում լիցքաթափվում է և դրվում է ապահովիչի։
  22. Զենքը կրակային դիրքից կարող է հանվել միայն Հրահանգչի թույլտվությամբ՝ լիցքաթափվելուց և ստուգվելուց հետո:
  23. Հրաձիգը պարտավոր է անմիջապես դադարեցնել կրակը, եթե կորցնում է կողմնորոշումը և նկատում է ինքնազգացողության վատթարացում, ինչպես նաև, երբ հայտնաբերվում է զենքի անսարքություն կամ ռազմամթերքի թերություն։
  24. Արգելվում է կրակային դիրքից դուրս կրակոցի նախապատրաստվելը։
  25. 26.Արտակարգ իրավիճակի դեպքում կրակողը պետք է խստորեն հետևի Հրահանգչի հրահանգներին.
  26. Հրաձգարանում այցելուի ոչ պատշաճ պահվածքի, Հրահանգչի հրամանները և պահանջները չկատարելու, հրաձիգի կողմից անվտանգության և վարքի սահմանված կանոնների կոպիտ խախտման դեպքում, հրահանգիչը դադարեցնում է կրակոցը, հրաձիգը անմիջապես հեռացվում է կրակային դիրքից և Հրահանգիչը հայտնում է այդ մասին Հրաձգարանի տնօրինությանը։ Հրաձգարան հետագա այցելության հարցը որոշում է Հրաձգարանի տնօրինությունը:
  27. Եթե այցելուն վնաս է հասցնում հրաձգարանի տարածքին, սարքավորումներին կամ գույքին, ապա պարտավոր է փոխհատուցել վնասի արժեքը:
  28. Հրաձգարանի այցելուները պարտավոր են պահպանել հրդեհային անվտանգության կանոնները:
  29. Հրաձգարանում ծխելը խստիվ արգելվում է։
  30. Հրաձգարանի տնօրինությունը պատասխանատվություն չի կրում հսկողությունից դուրս թողնված հագուստի, փաստաթղթերի, գումարի, բջջային հեռախոսների, զարդերի և այլ անձնական իրերի կորստի համար։
  31. Հրաձգարանի տնօրինությունը պատասխանատվություն չի կրում, եթե այցելուների կողմից անվտանգության կանոնակարգերին, ներքին կանոններին չհետևելու արդյունքում պատճառվել են մարմնական վնասվածքներ, կամ հրաձգարանի տարածքում կանոններին չհետևելը հանգեցրել է
    անձանց մահվան։