ՀԱՅ ENG

ՆՈՐՈՒԹՅՈՒՆՆԵՐ

2016-10-19

«Ասպար Արմս»- ը հայկական ընկերությունը մարտական զենքի արտադրությամբ է զբաղվում 2009 թ.-ից:

ArmHiTec-2016 սպառազինության ու պաշտպանական տեխնիկայի ցուցահանդեսին «ԱսպարԱրմսը» ներկայացնում էր ինչպես սեփական արտադրության, այնպես էլ իր կողմից արդիականացված զինատեսակներ:

«Արդեն եղած զինատեսակները մենք արդիականացնում ենք, օրինակ` ավելացնելով դրա վրա գիշերային տեսանելիության, ջերմատեսիլ սարք կամ տակտիկական խլացուցիչ», - ասաց «Ասպար Արմս» ՍՊԸ տնօրեն Սամվել Մարգարյանը:

Նա ներկայացրեց, օրինակ, իրենց կողմից արդիականացված Դրագունովի դիպուկահար հրացանը կամ 12,7 մմ տրամաչափ ունեցող հայտնի «Սև նետը»:

«Մենք համագործակցում ենք Պաշտպանության նախարարության հետ ու մեր կողմից արդականացված զինատեսակները կիրառվում են ՀՀ զինված ուժերում», - ասաց Սամվել Մարգարյանը:

Համագործակցություն կա նաև սեփական արտադրության զինատեսկաների առումով: Դրանք հիմնականում հատուկ նշանակության են.

«Այսօր ներկայացնում ենք սեփական արտադրության AS 300-ը և ASR 300-ը` դրանք ավտոմատ կրակահերթով կրակող և մեկական կրակահերթով կրակող դիպուկահար ու հատուկ նշանակության հրացաններ են: Մեր արտադրության այս հրացանները թույլ են տալիս քողարկված տեղից գործողություններ կատարել, ամբողջովին նոր մոդելներ են, ունեն լավ արդյունավետություն և նույնպես կիրառվում են մեր հատուկ նշանակության ուժերի կողմից», - ասաց Սամվել Մարգարյանը: