ՀԱՅ ENG

ՆՈՐՈՒԹՅՈՒՆՆԵՐ

2016-07-14

Արցախի եւ Հայաստանի ուժային կառույցների մի խումբ աշխատակիցներ կրակային կարողություններով մրցել են «Ասպար Արմս»-ի հրաձգարանում:

Պայքարը թեժ է: 6 թիմերից լավագույն եռյակում են երեքը: Առաջին տեղում Հայաստանի Հանրապետության ազգային անվտանգության ծառայության ալֆա ջոկատն է, ավելին` այս թիմից է նաեւ լավագույն հրաձիգը, երկրորդ տեղում` Պետական պաշտպանության ծառայության թիմն է, երրորդում՝ ԼՂՀ Ազգային անվտանգության ծառայության Ալֆա ջոկատը: Սա նաեւ հնարավորություն էր ստուգել նրանց կարողությունները:

Հայաստանի եւ Արցախի լավագույն հրաձիգներին մեկ հարկի տակ է հավաքել «Ասպար Արմս» հրաձգարանը: Առիթը հրաձգարանի 10-ն ամյակն է: Անցնող տարիների ձեռքբերումներից տնօրենն առանձնացնում է ամենակարեւորները: Համագործակցում են զենքի արտադրությսն ոլորտում ամենահայտնի ընկերություններից մեկի՝ «Կալաշնիկով Կոնցեռն»-ի հետ: Համատեղ աշխատանքը ստացվել է, հրաձգարանի 10-ն ամյակի միջոցառումներին մասնակցելու համար Հայաստանում է նաեւ ընկերության ներկայացուցիչը:

Սամվել Մարգարյանն ասում է հատկապես ապրիլյան քառօրյա պատերազմի օրերին, շատերն են կամավոր եկել ու կրակային պատրաստթյուն անցել: Նրանց թվում քիչ չեն աղջիկները, ավելին` հրաձիգ աղջիկների հատուկ թիմ ունեն:

«24 տարի գրեթե ամեն օր զենքը ձեռքին՝ զինագործի դեպքում սա հավանական է»,- ասում է Ալիկ Խաչատրյանը:

Ամեն ինչ սկսվեց 90-ականներին ու շարունակվում է մինչեւ հիմա: Ասում է` ամենակարեւորն առաջին անգամն է, հետո արդեն սիրահարվում ես զենքին ու չես էլ նկատում ինչպես ես մետաղի կտորները հղկում, իրար միացնում:

Վարպետը-զինագործը թվարկում է հավաքած զինատեսակները եւ շարունակում՝ իրենց գործը շարունակող երիտասարդ մասնագետների թիվը կրկնապատկելու կարիք կա: Մեր երկիրը պետք է սեփական զենքի արտադրության ծավալներն ավելի մեծացնի, ավելին` դրա անհրաժեշտությունն ու հնարավորություններն իրար ուղիղ համեմատական են: