ՀԱՅ ENG

ՆՈՐՈՒԹՅՈՒՆՆԵՐ

2016-07-14

«Ասպար Արմս» ընկերությունն այս տարի նշում է իր 10-ամյակը: Այս տարիների ընթացքում ընկերությունը հասցրել է կատարել հսկայական աշխատանք: 

Ընկերությունը, որը հիմնադրվել է դեռևս 2006 թվականին, ի սկզբանե իր առջև խնդիր էր դրել բավականին լայն գործունեություն ծավալել, ինչն իրականում հաջողվել է: Բազմաթիվ խոչընդոտները ընկերությանը չեն խանգարել, որպեսզի իր առջև դրված նպատակն իրականություն դարձնի:

«Մենք որոշում կայացրեցինք, որ մեր ընկերությունը չպետք է լինի շարքային խանութ: Այն պետք է լիներ զենքի և զինամթերքի մասնագիտացված կենտրոն, իսկ այս որոշման հիմքում ընկած էր նաև զենքի նկատմամբ մեր հատուկ վերաբերմունքն ու զենքի կարևորությունը, ինչպես նաև ընդգծված դերը Հայաստանի ու հայ ժողովրդի կյանքում և նրա պայքարում», - ասում են ընկերության հիմնադիրները:

Հիմնադրման առաջին իսկ օրվանից ընկերությունը զբաղվել է ինչպես քաղաքացիական զենքի վաճառքով, այնպես էլ մատուցել է հրաձգային ու բարձրակարգ այլ ծառայություններ:

Բացի դա՝ ընկերությունն այս ընթացքում հասցրել է գործնական կապեր հաստատել նաև ռուսական ու եվրոպական մի շարք խոշոր ընկերությունների հետ և ապահովել բարձր որակի զենք-զինամթերքի ներմուծում Հայաստան:

«Սկզբնական ժամանակաշրջանում գործընկերների թիվը շատ փոքր էր, որի արդյունքում կարողանում էինք ցուցադրել քիչ և սահմանափակ թվով ապրանքատեսակներ, սակայն հետագայում ընդլայնվեց ինչպես համագործակցող ընկերությունների, այնպես էլ ցուցադրվող զենք-զինամթերքի տեսակների ցանկը»,  նշում է ընկերության տնօրեն Սամվել Մարգարյանը:

Նրա խոսքով՝ ընկերությունը սկսել է ակտիվորեն մասնակցել եվրոպական տարբեր երկրներում ամենամյա ցուցահանդեսներին և կայուն կապեր հաստատել նաև մեծ թվով ընկերությունների ներկայացուցիչների հետ՝ արդունում ընդլայնելով նաև իր գործունեությունը, մեծացնելով համագործակցության ծավալները նաև Հայաստանի Հանրապետության տարածքում:

Ընկերությունն արդեն ակտիվորեն համագործակցում է ՀՀ պաշտպանության նախարարության հետ: Ձեռք է բերվել պաշտպանության նախարարության կողմից տրված ռազմական նշանակության արտադրության առևտրի միջնորդական գործունեություն, ինչը թույլ է տալիս ռազմական նշանակության զենք ներմուծել և արտահանել, նաև լիցենզիաներ տրամադրել:

«Դրանով մենք առավել սերտ կապեր հաստատեցինք ՀՀ պաշտպանության նախարարության՝ ռազմաարդյունաբերական և սպառազինության վարչությունների ու հատուկ ստորաբաժանումների հետ», - նշեց ընկերության տնօրենը:

Ընկերությունը մասնակցել է նաև ՀՀ պաշտպանության նախարարության կողմից կազմակերպված ցուցահանդեսներին, զորավարժություններին՝ գրավելով մասնակիցների ու մանագետների ուշադրությունն՝ ընկերության կողմից ցուցադրված զենքրի արդիականացված լուծումներերով և արհեստավարժ առաջարկություններով: Այսօր «Ասպար Արմսը» լայն համագործակցություն է ծավալում նաև Լեռնաին Ղարաբաղի Հանրապեության ուժային կառույցների, մասնավորապես՝ Ազգային անվտանգության ծառայության հետ և զենքեր մատակարարում նրանց: